அம்மா

அய்யா கவிஞர் பாரதிதாசன்அவர்களின் வாழ்த்துக்களுடன்
இந்தக்  கவிதையை தொடர்கிறேன்.























அகவை கூடி அசந்த போதும்!

அகங்கை கொண்டே அள்ளி அணைத்தாய்!
அன்பு காட்டி அமுதை அளித்தாய்!
பண்பு ஊட்டிப்  பாசம் விளைத்தாய்!
சின்ன குழந்தையில் சீராய் நடக்க
நின் விரல் கொடுத்து நேர்த்தி செய்தாய்!
களிப்பாய் நீயும் காலம் அறிந்தே!
அளித்த கல்விக்கு அகிலம் இணையோ?
உதிரம் வற்ற ஊற்றி வளர்த்தாய்!
கதியாய் என்னை காத்துக்கிடந்தாய்!
அலைந்து திரிந்தே அல்லும் பகலும்
கலைத்தல் இன்றி கடமை செய்தாய்!
எனக்கு நீதான்  எழில்மிகு தெய்வம்!
உனக்குப்  பாரில் இணையும் உளதோ!
இன்னும் உன்றன் ஏற்றம் பாட
மின்னும் சொற்கள் என்முன் குவியும்!
தெய்வம் தேடித் திரிவோர் தமக்கும்!
உய்யும் வழியை உறைப்பேன் இங்கு.
தாயின் திருவடி கடவுளைக் காட்டும்
காயும் மனத்தின் கடுமை நீக்கும்
குடமுழுக்கு என்று கூவி மொழிவேன்!
சுடரென எண்ணித் தொட்டுத் தொழுவேன்!
தாயே உன்றன் தாள் களை நாளும்
சாயும் பொழுதில் தாங்கும் உன்னருள்
முன்னே  மொழிந்த முதுமொழி  யாலே!
பின்னே அடைந்தேன் பெயர்கள் பலவே!
நடக்கும் தெய்வம் நம்முன் இருக்க
நடக்காத தெய்வம் நாடல் ஏனோ-?
அன்பின் ஊற்றாய் அன்னை உருவம்
என்றும் போற்றி இசைப்பாய் நெஞ்சே.!